Од поодамна се говореше дека Ван Марвијк е во преговори за продолжување на соработката со Холандија.

Стратегот го превзеде селекторското столче на Холандија во 2008, и успеа да ги однесе ’Лалињата’ до финале на СП 2010, каде што загубија во дуелот со Шпанија.

Под водство на Ван Марвијк, Холандија без проблем се пласираше и на завршницата од ЕВРО 2012, каде ’Лалињата’ се најдоа во ’групата на смртта’ заедно со Германија, Португалија и Данска.

Задоволни од работата на стратегот, Фудбалската Федерација на Холандија го продолжи договорот на Ван Марвијк до 2016.

“Селекторот Берт ван Марвијк го продолжи договорот за уште четири години и ќе ја предводи селекцијата на Холандија се до Европското Првенство во 2016.” – гласеше соопштението на ФФХ.