Медиумите од Италија уште вчера го најавија доаѓањето на Касерес во Јувентус, откако по долги преговори двата клуба постигнале договор за начинот на кој ќе се реализира зделката.

Севиља со соопштение на својата веб страна, сега пренесе дека уругвајскиот репрезентативец попладнево во Торино ќе треба да ги помине редовните лекарски прегледи.

Доколку резултатите од тестовите бидат позитивни, Касерес ќе стави потпис на договор со Јувентус со што и официјално ќе стане нов фудбалер на ’Бјанконерите’.

Според пишувањата на медиумите, Јувентус ќе плати 1,5 милиони евра за шест месечна позајмица на дефанзивецот, а летоска ’Старата Дама’ ќе може да го направи трансферот перманенттен за додатни 8 милиони евра.