Управата на Лацио напорно работи на трансферот на плејмејкерот на ЦСКА, и веќе беа одржани неколку средби помеѓу двата клуба.

Се говори дека ’Бјанкочелестите’ сакаат да го ангажираат јапонскиот репрезентативец на позајмица до крајот на сезоната, а потоа да го направат неговиот трансфер перманентен.

За Nikkan Sports Кеисуке Хонда вели дека преговорите се во напредна фаза, и очекува наскоро да биде постигнат договор за негова преселба во Рим.

“Сакам да се преселам во Лацио.” – рече 25 гоидшниот Хонда. “Убеден сум дека ќе се реализира зделката. Двата клуба се во финалната етапа од преговорите.”

“Сеуште не сум се договорил со Лацио, но во денешниот свет на фудбалот се може да се случи во последниот час од трансфер пазарот.”

Фудбалерот потоа додаде: “Мојата намера е да играм во Серија А. Можеби не е најдоброто првенство во светот, и нивото на игра забележа пад во последните неколку години.”

“Но дефинитивно е најтешкото првенство за оние што играат во нападот. Се игра на високо тактичко ниво, и дефанзивците не ви оставаат премногу простор.”

“Не е лесно да се каже, но со нетрпение го чекам овој нов предизвик.”