Стефан Ристовски се врати во Парма
Македонскиот младински репрезентативец, Стефан Ристовски се врати во Парма, откако Кротоне одлучи да ја прекине позајмицата.
Категорија: Македонија |
30/01/2012 22:44 |
Прочитано: 2403 пати
Авантурата на Стефан Ристовски во Кротоне заврши денес откако италијанскиот клуб од втората лига објави дека ја прекинува позајмицата.
Ристовски кој имаше само два настапи за Кротоне оваа сезона, се враќа во Парма.
На најголемиот број натпревари нашиот фудбалер не беше ниту на клупата, па Кротоне се откажа од неговите услуги.
Не се очекува Ристовски да остане во Парма, поголема е веројатноста прволигашот да побара нова дестинација за Македонецот, клуб во кој би добил поголема минутажа.
Стефан повеќе не може да игра за младинскиот тим на Парма, па ќе мора да побрзаат во потрагата по новиот клуб бидејќи преодниот рок истекува утре.
Ристовски е еден од клучните фудбалери на македонската репрезентација до 21 година, има и еден настап за сениорскиот тим.
Тој може да игра како десен бек, но и по десната страна во средниот ред.
Повеќе информации за македонскиот фудбал на macedonianfootball.com.
