Фергусон: Суарез не треба повеќе да игра за Ливерпул
Сер Алекс Фергусон вели дека Луис Суарез е срам за Ливерпул и не треба повеќе да игра за тој клуб, откако Уругваецот одби да се поздрави со Патрис Евра пред почетокот на натпреварот.
Категорија: Англија |
11/02/2012 17:04 |
Прочитано: 5681 пати
По суспензијата од осум натпревари, Суарез денеска за прв пат се најде во стартниот тим на Ливерпул и тоа се случи токму на натпревар против Манчестер Јунајтед.
Суарез се сретна со Патрис Евра, но одби да се поздрави, поради тој гест, Фердинанд одби да се ракува со Уругваецот.
Фергусон го оценува потегот на Суарез како крајно срамен и вели дека овој фудбалер не треба повеќе да игра за Ливерпул.
"Не можам да поверувам, едноставно не можам да поверувам" - изјави Фргусон по натпреварот".
"Тој е срам за Ливерпул, тој фудбалер повеќе не треба да игра за Ливерпул".
"Игра во клуб со таква историја и го направи тоа во ваква ситуација денес, тоа може да предизвика немири".
"Бев навистина разочаран од тоа момче, страшно е тоа што го направи".
"Тоа креираше тензија, видовте судијата не знаеше што да прави со тоа. Се креираше страшна атмосфера".
