Карл Хајнц Румениге убедува дека Баерн Минхен се уште сака да го продолжи договорот со Арјен Робен и после 2013, кога му истекува сегашниот.

 

Робен го изгуби местото во стартните 11 во тимот на Баерн на последните неколку натпревари, но според управата на тимот тоа не е причина да не се продолжи неговиот договор:

 

„Ние не се сомневаме во неговиот квалитет. Тимот се уште сака да го продолжи неговиот договор. Последните случувања не го променија тоа.“ - изјави Румениге за минхенскиот весник TZ.

 

Робен во последните два натпревари беше на клупата, а на последниот натпревар од Бундеслигата против Кајзерслауртен влезе во вториот дел и според Румениге веднаш се почувствувала опасност по противничкиот гол.

 

„Тој веднаш изгледаше опасен по противниците и сакаше да постигне погодок. Со малку среќа можеби и ќе успееше, а јас навистина сакав да го направи тоа.“