Херта го отпушти тренерот Скибе
Поранешниот тренер на Борусија Дортмунд и Баер Леверкузен го заврши неговото кратко ’патешествие‘ како тренер на Херта, откако беше отпуштен по катастрофалниот пораз на од Штутгарт со 5:0.
Категорија: Германија |
12/02/2012 20:53 |
Прочитано: 344 пати
Михаел Скибе стана тренер на Херта од Берлин на 22 Декември минатата година, а по помалце од две месеци на кормилото на тимот, доби отказ по лошите резултати и катастрофалниот пораз од 5:0 од тимот на Штутгарт.
Херта се наоѓаше на 11 позиција кога Скибе застана на чело на тимот и најави борба за пласман во Европа и поатрактивен фудбал, но реалноста сепак испадна поинаква.
Сега Херта се наоѓа на претпоследното, 17 место и наместо борба за Европа, ја чека борба за опстанок во првата Бундеслига.
Главен кандидат за наследник на Скибе во Берлин е исто така скоро отпуштениот Холгер Станиславски кој пред некој ден доби отказ од тимот на Хофенхајм.
