Лига Европа: Гостински победи за Бешикташ и Олимпијакос
Бешикташ со 2-0 славеше на гостувањето кај Брага, Олимпијакос со 1-0 го совлада Рубин Казан во првите 1/16 финални натпревари од Лига Европа.
Категорија: Лига Европа |
14/02/2012 20:37 |
Прочитано: 479 пати
Со денешните натпревари Брага - Бешикташ и Рубин Казан - Олимпијакос започна елиминационата фаза од Лига Европа.
Првите дуели поминаа во знакот на гостинските екипи.
Бешикташ со 2-0 победи на гостувањето кај Брага и стекна одлична предност пред реваншот.
По само 30 минути игра Брага остана со фудбалер помалку откако Барбоса заработи втор жолт картон.
Бешикташ брзо ја искористи предноста од играч повеќе и во 37. минута преку Сивок поведе со 1-0.
Конечните 2-0 ги постави Симао во 58. минута од натпреварот.
Гостинска победа славеше и Олимпијакос кај Рубин Казан.
Во 71. минута Олимпијакос поведе со голот на Давид Фустер.
Само две минути подоцна голема шанса за домаќините да израмнат, гостинскиот голман Меџери направи пенал и заработи црвен картон.
Но нововлезениот голман Рој Керол успеа да го одбрани ударот од белата точка на Биберс Начо и да му донесе голема победа на својот тим.
