Минатата недела Пеп Гвардиола изјави дека сеуште нема јасна слика за својата иднина, и побара додатно време за да одлучи дали останува на Камп Ноу.

Стратегот е под договор со Барселона до 30. јуни, и бидејќи сеуште нема донесено одлука за продолжување на верноста, медиумите почнаа да шпекулираат за можни наследници на Гвардиола на кормилото на актуелниот шампион на Шпанија.

Поранешниот фудбалер и тренер на Барса, Јохан Кројф очекува Гвардиола во скоро време да ги соопшти плановите за сопствената иднина, и додава дека стратегот е доволно интелегентен за да не го остави клубот во проблеми.

“Доколку Гвардиола не се двоумеше, веднаш ќе донесеше одлука.” – рече Кројф.

“Мислам дека нема да чекаме два месеци за да дознаеме што одлучил.”

Холанѓанецот потоа додаде: “Гвардиола играше за Барселона, а сега е тренер. Тој е вистински човек на клубот, и е доволно интелегентен за да не ја остави Барса во проблеми. ”