И покрај тоа што Хановер пред натпреварот со данскиот претставник во Лигата на Европа беше апсолутен фаворит, не успеа да ја оправда таквата улога и да ги освои потребните 3 бода со кои би избил на врвот во групата „Б“.

Избраниците на Мирко Сломка во поголемиот дел од мечот ја имаа иницијативата на своја страна но дуелот од третото коло во Лигата на Европа заврши со поделба на бодовите.

„Тоа беше толку нервирачки затоа што ова беше добра шанса за нас да ја забележиме првата победа пред  домашната публика“- гласеше кусата анализа на Сломка по натпреварот.

„Тимот на Копенхаген е искусен и не е залудно во завршницата на Евролигата но ние имавме добра можност за триумф. Ние бевме подобриот тим и имавме повеќе шанси за победа. Можеби единствено што ни недостасуваше беше меѓународно искуство“– заклучи тој.