Шпанија и Холандија ќе бидат носители на ждребката за ЕП 2012
Одредени се носителите за ждребката на групите за Европското првенство 2012, Шпанија и Холандија заедно со земјите домаќини ќе бидат во првиот шешир.
Категорија: Евро 2012 |
16/11/2011 11:06 |
Прочитано: 2178 пати
Денес, во седиштето на УЕФА беа одредени носителите за ждребката на групите за Европското првенство која ќе се оддржи во Киев на 2 декември.
Шпанија и Холандија се носителите кои ќе бидат во првиот шешир заедно со домаќините Полска и Украина.
Останатите 12 репрезентации се распоредени во преостанатите три шешири според нивниот коефициент.
Шешир 1: Шпанија, Холандија, Полска, Украина
Шешир 2: Германија, Италија, Англија, Русија
Шешир 3: Хрватска, Грција, Шведска, Данска
Шешир 4: Португалија, Франција, Република Ирска, Чешка
